Áskorun á Alþingi að lögfesta NPA


Enn eina ferðina á að rjúfa þing snemma. Í þetta skipti er það af því að fólkið í ríkisstjórninni gat ekki  treyst hvort öðru. Eins og flestir vita slitnaði upp úr ríkisstjórninni eftir að upplýsingar um kynferðisbrotamenn sem fengu uppreist æru voru birtar. Þingið verður því rofið í lok október og þangað til þarf það að ákveða hvaða mál skuli rædd á þessum stutta tíma.
       Ástæðan fyrir því að ég skrifa þetta er sú að ég hef þungar áhyggjur af framvindu mála. Ég er 21 árs fötluð kona sem reiði mig á aðstoð annarra í daglegu lífi. Ég er í fullu háskólanámi, stunda íþróttir og félagsstarf. Til að geta gert alla þessa sjálfsögðu hluti þarf ég aðstoðarfólk og er því með NPA-samning (Notendastýrð persónuleg aðstoð). Staðreyndin er þó sú að NPA er enn bara tilraunaverkefni hérlendis og það rennur út núna um áramótin.
       Fyrir seinustu kosningar lofuðu flestir flokkarnir að lögfesta NPA og var stefnt að því að láta af því verða í lok árs 2017. En nú er kominn september, ríkisstjórnin er fallin og bara mánuður til stefnu. Ef þingið lögfestir ekki NPA núna eða aðhefst neitt, missi ég aðstoðarfólkið mitt eftir tæpa þrjá mánuði og aðstoðarfólkið mitt missir vinnuna. Ég hef ekki hugmynd hvernig lífið verður eftir áramót, hvort ég fái aðstoð eða ekki og það sem skiptir mestu máli; hvort ég geti haldið áfram að lifa sjálfstæðu lífi. Hvernig á ég að klæða mig, borða, komast í skólann, þvo þvott, æfa CrossFit, skrifa fundargerðir, kaupa jólagjafir, elda, mála mig, heimsækja vini, hugsa um bílinn minn...

Er þetta það sem við viljum? Að ýta fötluðu fólki út í horn og svipta því tækifæri til að lifa sjálfstæðu lífi? Að láta aðstoðarfólk þess missa vinnuna? Að koma í veg fyrir að samfélagið njótu vinnuframlags og nærveru fatlaðs fólks? Að byrja aftur á byrjunarreit?

Var Ísland ekki einmitt að fullgilda Samning Sameinuðu þjóðanna um réttindi fatlaðs fólks? Og hvað með 76. gr. stjórnarskrárinnar sem kveður á um að tryggja skuli rétt til aðstoðar vegna sjúkleika, örorku, elli eða annars?

Er þingmönnum alveg sama?


Slauga skorar á Alþingi að lögfesta NPA áður en það verður um seinan.

Ummæli

Skrifa ummæli

Vinsælar færslur af þessu bloggi

Grunnskólaárin sem í móðu #GameOver

Mynd
Grunnskólaárin mín eru sem í móðu, sérstaklega síðustu þrjú árin. Kannski var ég bara svo viðkvæmur unglingur, en ég veit að það er ekki bara það. Ég var orðin eldri, farin að líta í kringum mig og skilja hvernig málum var í raun háttað. Mig langar að segja frá grunnskólagöngu minni. Ástæðan fyrir því að ég skrifa hér um reynslu mína af grunnskólanámi er einfaldlega sú að ég get ekki setið lengur hjá og látið eins og ekkert sé. Ég lít á sjálfa mig sem aktivista, en á sama tíma eru sumir hlutir sem ég hef reynt að forðast. Svo þegar #metoo byltingin hófst sá ég að sá möguleiki að stíga fram og opna sig væri raunverulegur. Ef svona margar konur geta sagt frá kynbundnu og kynferðislegu áreiti og ofbeldi, þá hlýt ég að mega segja frá minni reynslu. Ég er orðin þreytt á að þegja, og hef enga löngun til að missa alveg geðheilsuna. Þess vegna ætla ég að rífa í gömul sár, ég ætla að greina frá því sem leynist í þoku fortíðarinnar. Þið megið svo „drusluskamma“ mig eins og ykkur
Lesa meira

Umræðan um starfsgetumat: Ef þú getur gert 9 armbeygjur áttu að vinna 90% starf

Mynd
Hvað er að frétta? Já, alveg rétt, Alþingi var að hefjast á ný eftir sumarið og svo datt ríkisstjórnin bara í sundur. Slaugan klórar sér nú í hausnum yfir öllu sem er að gerast í íslenskri pólitík. Það er nefnilega það að pólitík hefur mun meiri áhrif á okkur öll en margir halda. Það er Alþingi sem sker út um hvort fólk fái mannsæmandi heilbrigðisþjónustu, geti sótt sér menntun og geti lifað sjálfstæðu lífi. Alþingi setur lög sem hafa áhrif á líf okkar og það er hlutverk ríkisstjórnarinnar að framkvæma þau. Slaugu langar nú að ræða um áform um svokallað starfsgetumat. Starfsgetumat  er m.a. skilgreint sem heildrænt mat á líkamlegri, andlegri og félagslegri getu einstaklingsins í því skyni að veita honum einstaklingsmiðaða endurhæfingu og draga úr ,,vinnuletjandi“ þáttum, hvað svo sem það nú þýðir. Með matinu er geta viðkomandi til að afla eigin tekna metin og miðað að því að virkja hann enn frekar. En hvað er  starfsgeta ? Eftir því sem Slaugan kemst næst hefur ein
Lesa meira

Crossfit-æfingar fyrir sitjandi fólk

Mynd
,,Heyrðu, helduru að ég gæti æft Crossfit?" spurði ég vinkonu mína í janúar 2017. ,,Uuuu, já!" var svarið frá vinkonunni, sem hafði verið á fullu í Crossfit um tíma. Það hefur varla farið framhjá neinum að ég er mikið fyrir íþróttir. Ég   elska að taka á því, hreyfa mig og vera í góðu formi. Þegar ég var að alast upp flakkaði ég á milli íþrótta, fimleikar, sund, fótbolti, hestanámskeið, jóga, skák... Á endanum prófaði ég þrekíþróttir. Ég fór að mæta í einkatíma í víkingaþreki og boxi og það var þá sem ég uppgötvaði hve mikil snilld þrekíþróttir eru og ákvað að ég vidi halda áfram á þeirri braut. Eftir nokkra mánuði í einkaþjálfun fór ég í lyftingar. Ég fílaði alveg lyftingarnar en andinn í liðinu var svo slæmur að ég hætti eftir nokkra mánuði og færði mig yfir í Crossfit. Nú hef´ég stundað Crossfit í næstum tvö ár, og er mjög ánægð þar. Ég var þó efins um að þetta væri íþrótt fyrir mig til að byrja með. Vinkonur mínar æfðu Crossfit og voru sífellt að tala u
Lesa meira