Slauga skellir sér í Reykjavíkurmaraþonið

Slauga og aðstoðarkona úti að hjóla.

Nei sko, Slauga var að skrá sig í Reykjavíkurmaraþonið!

Þetta verða 10 hressilegir kílómetrar, en ég ætla að hlaupa til styrktar Fjólu, félag fólks með samþætta sjón- og heyrnarskerðingu. Því þetta félag er mér afar kært.

En hvað er Fjóla og afhverju er Slauga að rúlla fyrir þetta félag?

Fjóla, áður Daufblindrafélag Íslands, var stofnað í mars 1994. Félagið hefur það hlutverk að standa vörð um hagsmuni og menningu fólks sem bæði sér og heyrir illa. Um er að ræða afar lítinn minnihlutahóp sem er mjög jaðarsettur í samfélaginu. Þar sem þetta fólk er með tvöfalda skerðingu þarf það gjarna mikla hjálp og aðlögun til að geta tekið þátt í samfélaginu og lifað mannsæmandi lífi til jafns við aðra. Eins og kerfið er núna þarf þetta fólk þó að leita á marga mismunandi staði og jafnvel berjast fyrir því að fá lágmarks aðstoð, eins og ég hef fengið að reyna á í túlkamálinu svokallaða. En nýlega var þó stofnað greiningarteymi sem á að hjálpa fólki að fá greiningu í samstarfi við ýmsa sérfræðinga og ég veit að margir binda vonir við þetta teymi.

Í dag eru rúmlega 20 félagsmenn í Fjólu sem eru daufblindir, en auk þess geta aðrir sem ekki eru daufblindir gerst styrktarfélagar. Vegna smæðar sinnar hefur Fjóla ekki verið eins virkt og félagið vill vera, enda veltur reksturinn aðallega á styrkveitingum.

Ég var mjög ung þegar ég kynntist félaginu. Það var svo í gegnum Fjólu sem ég komst fyrst norrænar sumarbúðir fyrir daufblind ungmenni og kynntist öðru ungu fólki á svipuðu reki og ég, en þess má geta að við erum aðeins tvær sem erum í Fjólu á aldrinum 18 – 35. Einnig er það Fjólu að þakka að ég hef einhverja grunnþekkingu á réttindum fatlaðs fólks. Með þessari þekkingu og reynslu af málefnum daufblindra einstaklinga finn ég að ég er ekki ein og er enn ákveðnari í að lifa lífinu og gera hluti eins og að stunda háskólanám og CrossFit.

Ég hef setið í stjórn Fjólu síðan 2015 og auk þess unnið þar í þrjú sumur í röð, 2014 – 2016. En nú er enginn starfsmaður innan félagsins og ég veit að margir félagsmanna finna sárt fyrir því. Þess vegna ætla ég að rúlla til styrktar Fjólu, ég vil að félagið fái að lifa og blómstra og að daufblint fólk á Íslandi fái að lifa mannsæmandi lífi og vera stolt af því að vera daufblint.


Viltu styrkja Fjólu? Hér getur þú heitið á Slaugu.


Hér getur þú einnig kynnt þér nánar hvað daufblinda er.

Ummæli

Skrifa ummæli

Vinsælar færslur af þessu bloggi

Grunnskólaárin sem í móðu #GameOver

Mynd
Grunnskólaárin mín eru sem í móðu, sérstaklega síðustu þrjú árin. Kannski var ég bara svo viðkvæmur unglingur, en ég veit að það er ekki bara það. Ég var orðin eldri, farin að líta í kringum mig og skilja hvernig málum var í raun háttað. Mig langar að segja frá grunnskólagöngu minni. Ástæðan fyrir því að ég skrifa hér um reynslu mína af grunnskólanámi er einfaldlega sú að ég get ekki setið lengur hjá og látið eins og ekkert sé. Ég lít á sjálfa mig sem aktivista, en á sama tíma eru sumir hlutir sem ég hef reynt að forðast. Svo þegar #metoo byltingin hófst sá ég að sá möguleiki að stíga fram og opna sig væri raunverulegur. Ef svona margar konur geta sagt frá kynbundnu og kynferðislegu áreiti og ofbeldi, þá hlýt ég að mega segja frá minni reynslu. Ég er orðin þreytt á að þegja, og hef enga löngun til að missa alveg geðheilsuna. Þess vegna ætla ég að rífa í gömul sár, ég ætla að greina frá því sem leynist í þoku fortíðarinnar. Þið megið svo „drusluskamma“ mig eins og ykkur
Lesa meira

Umræðan um starfsgetumat: Ef þú getur gert 9 armbeygjur áttu að vinna 90% starf

Mynd
Hvað er að frétta? Já, alveg rétt, Alþingi var að hefjast á ný eftir sumarið og svo datt ríkisstjórnin bara í sundur. Slaugan klórar sér nú í hausnum yfir öllu sem er að gerast í íslenskri pólitík. Það er nefnilega það að pólitík hefur mun meiri áhrif á okkur öll en margir halda. Það er Alþingi sem sker út um hvort fólk fái mannsæmandi heilbrigðisþjónustu, geti sótt sér menntun og geti lifað sjálfstæðu lífi. Alþingi setur lög sem hafa áhrif á líf okkar og það er hlutverk ríkisstjórnarinnar að framkvæma þau. Slaugu langar nú að ræða um áform um svokallað starfsgetumat. Starfsgetumat  er m.a. skilgreint sem heildrænt mat á líkamlegri, andlegri og félagslegri getu einstaklingsins í því skyni að veita honum einstaklingsmiðaða endurhæfingu og draga úr ,,vinnuletjandi“ þáttum, hvað svo sem það nú þýðir. Með matinu er geta viðkomandi til að afla eigin tekna metin og miðað að því að virkja hann enn frekar. En hvað er  starfsgeta ? Eftir því sem Slaugan kemst næst hefur ein
Lesa meira

Crossfit-æfingar fyrir sitjandi fólk

Mynd
,,Heyrðu, helduru að ég gæti æft Crossfit?" spurði ég vinkonu mína í janúar 2017. ,,Uuuu, já!" var svarið frá vinkonunni, sem hafði verið á fullu í Crossfit um tíma. Það hefur varla farið framhjá neinum að ég er mikið fyrir íþróttir. Ég   elska að taka á því, hreyfa mig og vera í góðu formi. Þegar ég var að alast upp flakkaði ég á milli íþrótta, fimleikar, sund, fótbolti, hestanámskeið, jóga, skák... Á endanum prófaði ég þrekíþróttir. Ég fór að mæta í einkatíma í víkingaþreki og boxi og það var þá sem ég uppgötvaði hve mikil snilld þrekíþróttir eru og ákvað að ég vidi halda áfram á þeirri braut. Eftir nokkra mánuði í einkaþjálfun fór ég í lyftingar. Ég fílaði alveg lyftingarnar en andinn í liðinu var svo slæmur að ég hætti eftir nokkra mánuði og færði mig yfir í Crossfit. Nú hef´ég stundað Crossfit í næstum tvö ár, og er mjög ánægð þar. Ég var þó efins um að þetta væri íþrótt fyrir mig til að byrja með. Vinkonur mínar æfðu Crossfit og voru sífellt að tala u
Lesa meira