Föstudagsslamm: Sullað með regnbogalitina


Nei  hvað  er að frétta? Er Gleðigangan á morgun?! Hvað á Slaugan nú að gera???

Það er föstudagur og Slaugan að koma sér í helgargírinn. Þegar það er fössari er víst ekkert annað hægt að gera en að lífga aðeins upp á bloggið með einhverju skemmtilegu slammi. En hvað er skemmtilegt slamm?
Hmmm...
Ég veit! Það er REGNBOGAKOKTEILGERÐ!!!

Það er nefnilega svo ótrúlega margt sem er hægt að bralla í tilraunaeldhúsinu: eldamennska, bakstur, drykkjargerð...
Slauga hefur lengi vel verið frekar hrifin af kokteilum, en best finnst henni þó að búa þá sjálf til. Það er fáránlega skemmtilegt að sulla með allskonar áfengi, safa og gos, pæla í glösunum og setja saman skreytingar. Það er nefnilega þrennt sem gerir drykk að góðum kokteil:
  • Hráefni
  • Glas
  • Skreyting

 Á meðan Margaríta er gerð úr Tequila og  venjulega sett í frekar grunnt glas inniheldur klassískur Tom Collins kokteill gin og er borinn fram í háu glasi og Daiquiri er gjarna úr rommi og skreyttur með ávöxtum. En í rauninni snýst kokteilgerð um að láta ímyndunaraflið flakka og finna út úr því hvað passar saman og gerir góðan og flottan kokteil, kokteilar eru semsagt listaverk sem má drekka.

Í tilefni af Gleðigöngunni 2017 ákvað Slaugan því að henda í einn litríkan gleðikokteil. Það tók nokkrar tilraunir áður en Slaugan rambaði á þann eina rétta. Daufblinda manneskjan sörfaði á barnetinu, glápti á Youtube, skeggræddi við starfsfólk verslana og prófaði sig áfram til að reyna að finna út úr öllu þessu kokteildóti. Slauga var því orðin nett full en kát þegar henni tókst loksins að töfra fram stórglæsilega Sangríu í öllum regnbogans litum.

Hamingjusöm Regnbogasangría

(Uppskrift fyrir ca. 2 drykki)


 Innihald
150 ml hvítvín (helst sætt eða miðlungs, ég notaði Mia)
½ msk. Hlynsýróp (má líka vera hunang)
12 ml Brandy (ég notaði Camus VS Elegance)
60 ml sódavatn (má nota Sprite ef þú vilt meiri sætu)
Jarðarber
Kiwi
Sítróna
Fjólublá vínber
Bláber
Appelsína

Aðferð
Settu hvítvín, Brandy og  hlynsýróp í könnu og blandaðu saman. Helltu svo 60 ml af sódavatni út í blönduna og hrærðu, gættu þess að hræra varlega svo að gosið fari ekki.
Skerðu alla ávextina nema bláberin í litla bita.
Raðaðu ávöxtunum í fínt kokteilglas, lag fyrir lag. Fyrst vínber, svo bláber, svo kiwi, sítróna, appelsína og loks jarðarber. Sjáðu hvað regnboginn er flottur!
Helltu vökvanum varlega út í kokteilglasið og leyfðu honum að streyma í gegnum alla ávextina.
Skál!

Ummæli

Skrifa ummæli

Vinsælar færslur af þessu bloggi

Grunnskólaárin sem í móðu #GameOver

Mynd
Grunnskólaárin mín eru sem í móðu, sérstaklega síðustu þrjú árin. Kannski var ég bara svo viðkvæmur unglingur, en ég veit að það er ekki bara það. Ég var orðin eldri, farin að líta í kringum mig og skilja hvernig málum var í raun háttað. Mig langar að segja frá grunnskólagöngu minni. Ástæðan fyrir því að ég skrifa hér um reynslu mína af grunnskólanámi er einfaldlega sú að ég get ekki setið lengur hjá og látið eins og ekkert sé. Ég lít á sjálfa mig sem aktivista, en á sama tíma eru sumir hlutir sem ég hef reynt að forðast. Svo þegar #metoo byltingin hófst sá ég að sá möguleiki að stíga fram og opna sig væri raunverulegur. Ef svona margar konur geta sagt frá kynbundnu og kynferðislegu áreiti og ofbeldi, þá hlýt ég að mega segja frá minni reynslu. Ég er orðin þreytt á að þegja, og hef enga löngun til að missa alveg geðheilsuna. Þess vegna ætla ég að rífa í gömul sár, ég ætla að greina frá því sem leynist í þoku fortíðarinnar. Þið megið svo „drusluskamma“ mig eins og ykkur
Lesa meira

Crossfit-æfingar fyrir sitjandi fólk

Mynd
,,Heyrðu, helduru að ég gæti æft Crossfit?" spurði ég vinkonu mína í janúar 2017. ,,Uuuu, já!" var svarið frá vinkonunni, sem hafði verið á fullu í Crossfit um tíma. Það hefur varla farið framhjá neinum að ég er mikið fyrir íþróttir. Ég   elska að taka á því, hreyfa mig og vera í góðu formi. Þegar ég var að alast upp flakkaði ég á milli íþrótta, fimleikar, sund, fótbolti, hestanámskeið, jóga, skák... Á endanum prófaði ég þrekíþróttir. Ég fór að mæta í einkatíma í víkingaþreki og boxi og það var þá sem ég uppgötvaði hve mikil snilld þrekíþróttir eru og ákvað að ég vidi halda áfram á þeirri braut. Eftir nokkra mánuði í einkaþjálfun fór ég í lyftingar. Ég fílaði alveg lyftingarnar en andinn í liðinu var svo slæmur að ég hætti eftir nokkra mánuði og færði mig yfir í Crossfit. Nú hef´ég stundað Crossfit í næstum tvö ár, og er mjög ánægð þar. Ég var þó efins um að þetta væri íþrótt fyrir mig til að byrja með. Vinkonur mínar æfðu Crossfit og voru sífellt að tala u
Lesa meira

Umræðan um starfsgetumat: Ef þú getur gert 9 armbeygjur áttu að vinna 90% starf

Mynd
Hvað er að frétta? Já, alveg rétt, Alþingi var að hefjast á ný eftir sumarið og svo datt ríkisstjórnin bara í sundur. Slaugan klórar sér nú í hausnum yfir öllu sem er að gerast í íslenskri pólitík. Það er nefnilega það að pólitík hefur mun meiri áhrif á okkur öll en margir halda. Það er Alþingi sem sker út um hvort fólk fái mannsæmandi heilbrigðisþjónustu, geti sótt sér menntun og geti lifað sjálfstæðu lífi. Alþingi setur lög sem hafa áhrif á líf okkar og það er hlutverk ríkisstjórnarinnar að framkvæma þau. Slaugu langar nú að ræða um áform um svokallað starfsgetumat. Starfsgetumat  er m.a. skilgreint sem heildrænt mat á líkamlegri, andlegri og félagslegri getu einstaklingsins í því skyni að veita honum einstaklingsmiðaða endurhæfingu og draga úr ,,vinnuletjandi“ þáttum, hvað svo sem það nú þýðir. Með matinu er geta viðkomandi til að afla eigin tekna metin og miðað að því að virkja hann enn frekar. En hvað er  starfsgeta ? Eftir því sem Slaugan kemst næst hefur ein
Lesa meira